一分钟白泡变靓相!! 自己饮自己落肚＠大仁生活

挪亚方舟复活节有「反转美食大派对」玩, 而今次竟然有得玩「Selfie朱古力」! Yeah!

我不停问工作人员:「Selfie咖啡要等几耐? Selfie咖啡几钱?」工作人员答:「其实因为主要畀小朋友饮, 所以係热朱古力, 而唔係咖啡」(係!係! 明白)

首先工作人员帮我们拍照, 我:「点解係草坡前?」, 工作人员:「Printer出嚟有底色靓好多」

杯面的泡泡要拉平一点是常识吧! 不过, 多到真的有点似蛋糕…可能不想麻甩佬凹凹凸凸的脸全部现形吧!

之后打印就如同一部Epson正正常常Print相一样, 只是杯口面积细细, 印得很快, 不足一分钟一家三口即时搅掂晒!!

(咁快?? 我未影得切喎)

店员:「最好等30秒后先饮…」 (无问题, 30秒内要饮就係问题啫, 我左影右影无10分钟, 都唔会饮啦)

阿太:「好香朱古力味呀!」 SY:「乜唔係咖啡咩? 朱古力即係我都饮得啦?」我说:「你可以饮呀! 不过畀我影完相先」

当我影完Bearbrick, 阿太影完杯缘子, 又轮到我影SY…阿囝不耐烦又问:「饮得未呀? (我:饮得啦!饮得啦!)」

可能新技术关係, 所以泡泡上的解像度有点低,但起码较彩色卡通拉花为佳, 因为放多久, 面容也不会化开.

虽然是食用颜料, 不含有害物质, 但原来一接触皮肤, 也要大力用湿纸巾抺,才可抹掉颜料.

SY一边饮一边讲:「我唔捨得饮咗爸爸妈妈…(我:但你又饮紧喎?), 朱古力好饮呀!! 我饮我自己咋麻…不过D泡无味嘅? 如果都有朱古力味就好」

既然SY不捨得吞我落肚, 我便索性一只匙羹, 将自己大头一口自己食自己…哈哈! 原来印了我自己样的淡淡泡泡会有一种味, 叫「好和味」. (「烂Gag嚟架」)

Selfie朱古力 $30

挪亚方舟

3月19日至4月10日「反转美食大派对」活动期间 (只供应星期六，日及公众假期)

4月11日之后每天供应

大仁生活facebook