$68起歎西班牙Tapas + 巴塞隆拿啤酒!精选8大小食逐


(Presented by Telford)

好多去过西班牙嘅人都对Tapas念念不忘,Tapas款式又多又精緻,而且好适合配酒,可以话係国民料理,其实喺香港都可以食到正宗Tapas,而且传统、Fusion都有!由即日起至11月30日,去指定餐厅即可以优惠价$68-$88歎到限定Tapas加巴塞隆拿啤酒 Estrella Damm一杯!Miss Sunny仲帮大家精选咗8款Tapas,即刻睇以下详情!

    TAP TAP:手打南非肠汉堡扒、粟米梳乎厘煎饼配查克拉卡蔬菜浓汁

有人会将唔同嘅Tapas组成一道正餐,我一定会拣呢道菜成为其中一款,口感丰富又饱肚,手打南非肠汉堡扒鲜嫩多汁,粟米梳乎厘煎饼又鬆软,两种口感crossover,再加上清新嘅蔬菜浓汁,食多几碟都得!

$68起歎西班牙Tapas + 巴塞隆拿啤酒!精选8大小食逐
手打南非肠汉堡扒、粟米梳乎厘煎饼配查克拉卡蔬菜浓汁 + 啤酒 $68 查克拉卡蔬菜浓汁主要以番茄同香料混合而成,配汉堡扒同梳乎厘煎饼,正好减轻油腻同饱肚感

TAP TAP

地址:大屿山贝澳老围村15号地下

    CLUB NINE:麻婆豆腐墨西哥玉米片

传统Tapas食得多,Fusion Tapas应该无咩人食过。呢道Tapas结合墨西哥玉米片同四川麻婆豆腐,以麻婆豆腐取代辣肉酱,将玉米片蘸上麻婆豆腐、香浓芝士同酸忌廉一齐食,芝士同酸忌廉巧妙地中和咗麻辣嘅刺激感,香口得嚟又唔会太辣,好夹!

$68起歎西班牙Tapas + 巴塞隆拿啤酒!精选8大小食逐
麻婆豆腐墨西哥玉米片 + 啤酒 $88 香辣的味道,令人上瘾!

CLUB NINE 玖

地址:铜锣湾霎东街 15-21号 OLIV 9 楼

电话:9729-3330

    LAVA BAR & RESTAURANT:慢煮牛腩4层腐皮手工包

呢间餐厅口碑一向都唔错,佢哋嘅慢煮牛腩千层腐皮手工包仲好受欢迎,外形似刈包,手工包十分软熟,加上慢煮 24 个钟嘅牛腩丝同酥脆腐皮,口感好有层次,牛腩煮得软腍而不失油香,啖啖都好Juicy!

$68起歎西班牙Tapas + 巴塞隆拿啤酒!精选8大小食逐
LAVA 慢煮牛腩、手工包、4层腐皮 + 啤酒 $88 手工包软熟,加上鬆化多汁嘅牛腩同脆腐皮, 味道同口感都充满惊喜!

LAVA BAR & RESTAURANT

地址:太子通菜街230号地下

电话:2642-1618​

    LA BO LA:香茅猪肉丸配芝麻汁 (6粒)

LA BO LA曾获米芝莲推介,食物品质同味道绝对有保证,菜式以新派越式为主,令人一试难忘!製作呢款香茅猪肉丸配芝麻汁时﹐厨师喺免治猪肉中加入香茅、鱼露同调味香料,肉丸Juicy又清香,如果想味道更有层次,可以点秘製芝麻汁食~

$68起歎西班牙Tapas + 巴塞隆拿啤酒!精选8大小食逐
香茅猪肉丸配芝麻汁(6粒) + 啤酒 $78 一粒肉丸、一啖啤酒,呢啲咪叫Happy Hour啰!

LA BO LA

地址:湾仔皇后大道东200号利东街地下G02-03号舖

电话:2871-1711

    NO.13 JAPANESE RESTAURANT:明太子天妇罗

除咗西班牙,日本对下酒菜都相当讲究,呢间居酒屋嘅厨师将明太子以紫苏叶同紫菜包着,再沾上天妇罗炸浆,炸至外脆内软。切开后,即见流心明太子!紫苏叶嘅清香中和咗明太子嘅鹹味,无论係口感定味道都好出色!

$68起歎西班牙Tapas + 巴塞隆拿啤酒!精选8大小食逐
明太子天妇罗 + 啤酒 $68 明太子配清酒试过,但配巴塞隆拿啤酒真係第一次试!

NO.13 JAPANESE RESTAURANT

地址:大坑施弼街12-13号地下B舖

电话:2504-2777

    TIVO:薄切慢煮牛舌片配油封蛋黄、青莎莎酱

中环酒吧林立,要有好嘅下酒小食先可以留住一班酒客,TIVO嘅薄切慢煮牛舌片就做到喇,佢哋将牛舌慢煮18小时,煮至口感软腍、入口即溶,再配上清新嘅青莎莎酱同creamy 嘅油封蛋黄,呢个时候饮番杯Estrella Damm啤酒,爽呀!

$68起歎西班牙Tapas + 巴塞隆拿啤酒!精选8大小食逐
薄切慢煮牛舌片配油封蛋黄、青莎莎酱 + 啤酒 $88 鹹香小食同啤酒永远都係绝配,呢道小食同Estrella Damm啤酒都好夹!

TIVO

地址:中环云咸街43-45号地下D及E舖

电话:2116-8055

    DE LUNA TAPAS BAR & RESTAURANT:西班牙风炒钻石蚬

呢间餐厅讲到明卖Tapas,当然有番咁上下水平啦,当中西班牙风炒钻石蚬更係必点菜式,选用新西兰钻石蚬,肉质爽口又肥美,而且肉汁鲜甜,再加上西班牙辣肉肠、蒜头同辣椒快炒,香口惹味!

$68起歎西班牙Tapas + 巴塞隆拿啤酒!精选8大小食逐
西班牙风炒钻石蚬 + 啤酒 $88这道菜式入口鹹新味交错,忍唔住饮啖啤酒。

DE LUNA TAPAS BAR & RESTAURANT

地址:旺角黑布街17号地下

电话:2869-8099

    BAHCE TURKISH RESTAURANT:香煎朝鲜蓟

自问识食嘅你,食过朝鲜蓟(洋蓟)未呢?其实即係「雅枝竹」,有人称佢为蔬菜之王,因为佢营养丰富,含丰富蛋白质同铁质,常用作意大利料理。呢间餐厅不计成本,选用新鲜空运嘅朝鲜蓟,取用最嫩嘅部分花芯,再以橄榄油煎香,加入少少盐同香醋提味,啖啖都係新鲜原味!

$68起歎西班牙Tapas + 巴塞隆拿啤酒!精选8大小食逐
香煎朝鲜蓟 + 啤酒 $88 菜式煮法简单﹐其实有好嘅食材,轻轻调味已足够!

BAHCE TURKISH RESTAURANT

地址:大屿山银运路 3 号梅窝中心地下 19 号舖

电话:2984-0222

更多资讯

睇到流晒口水?心动不如行动,由即日起至11月30日,上OpenRice网上订位并出席指定餐厅最多次数嘅会员,即有机会赢取双人巴塞隆拿之旅!

订座详情: https://goo.gl/PDcJbE

上一篇:
下一篇: